Bergers Schwabenteuer Stuttgart

Aus der Landeshauptstadt Stuttgart

Stuttgart wie es leibt und lebt – „von abg’schaffte Hausfraue bis Zugausfall“. Wahrlich schrille und schräge Szenen zum Schieflachen spielen sich an markanten und bekannten Orten der Landeshauptstadt ab, festgehalten in feinster Comic-Manier.

Des dåhanne isch’ a Buëch »em Schwåbeland g’macht« für älle, die vor em echte Umfeld Schpäßle – noi, net Schpätzle – Schpäßle gern hänn, ond Qualität aus em Ländle liebet.
Des Buëch dåhanne isch’ wie d’r Zwiebelplatz vo’ d’r Omma, d’r Roschtbråte’ mit Schpätzle vo’ d’r Mamma biologisch – also richtig von Hand g’macht. Koi’ oinzige Zeichnung håt d’r Å’schpruch perfekt sei’ zu miësse – aber älles håt en echte Erkennungswert . . .
Im übrige’ hänn mir au’ an Diabetiker denkt, ’s isch’ fascht nix fett druckt worre ond Wörtle wie »Zucker«, »Obschtkuche’«, »Bräschtlingsgsälz« oder »Schneckenudel« werdet se hier net finde . . .

PS: Wenn’s g’falle håt, bitte net verleihe – oifach zom Kaufe empfehle’
– wenn’s net g’falle håt, oifach d’ Gosch halte! Dankschee – d’r Autor